जावली तालुक्यातील कुडाळ परिसरात मंगळवारी पहाटे दोन ते तीन वाजल्याच्या सुमारास चोरट्यांनी वारागडे आळी व भोई आळी येथील एक-एक बंद घरे फोडली आहेत. यामध्ये भोई आळी या ठिकाणी झालेल्या चोरीमध्ये तब्बल अडीच ते तीन तोळे सोने व शंभर रुपये नेण्यात आले असल्याची प्राथमिक माहिती समोर येत आहे.तसेच वाराकडे आळी येथील प्रथमेश राजेंद्र वारागडे यांच्या घरातून वीस ते पंचवीस हजार रुपये किमतीचे लहान मुलांचे दागिने चोरी झाल्याचे प्राथमिक माहितीतून समोर येत आहे.तसेच यावेळी श्वान पथकाला प्राचारण करण्यात आले आहे.चोरट्यांनी लोकवस्ती असलेल्या ठिकाणी बंद घरे टारगेट करून घराचे कुलूप व कोयंडे तोडून घरात प्रवेश केला असून घरातील साहित्य अस्ताव्यस्त करत मुद्देमाल लंपास केला आहे.
काही दिवसांपूर्वी सावंतवाडी (कुडाळ) या ठिकाणी अशाच पद्धतीने चोरी करण्यात आली होती.घटनास्थळी मेढा पोलीस ठाण्याचे सहाय्यक पोलीस निरीक्षक सुधीर पाटील यांच्या मार्गदर्शनाखाली श्रीमती अश्विनी पाटील सहाय्यक पोलीस निरीक्षक मेढा,कुडाळ पोलीस ठाणेचे सहाय्यक पोलीस उपनिरीक्षक विजय शिंगटे,पोलीस नाईक महेश कुमार शिंदे,पोलीस नाईक नंदकुमार कचरे अधिक तपास करत आहेत.चोरीच्या वाढत्या घटना पाहता नागरिकांनी सतर्क रहावे.ग्राम सुरक्षा यंत्रणा सक्षम करावी.तरुणांनी रात्रगस्त सुरू करावी,असे आवाहन स.पो.नि. सुधीर पाटील यांनी केले आहे.
चौकट:
कुडाळ हे बाजारपेठेचे गाव असून या गावांमध्ये मोठ्या प्रमाणात लाखोंची आर्थिक उलाढाल होत असते.परंतु अलीकडच्या काळामध्ये चोरट्यांकडून लोकवस्ती असलेली गावे टार्गेट केली जात आहेत.त्यामुळे कुडाळमध्ये नादुरुस्त असलेली सीसीटीव्ही यंत्रणा पुन्हा कार्यान्वित करण्यात यावी.सावंतवाडी येथे घर फोडी होऊन एक महिना झाला नाही तो लगेच कुडाळ या ठिकाणी चोरीचे प्रकार वाढले आहेत.पोलिसांनी आपली स्वतःची गुप्तचर यंत्रणा तात्काळ ऍक्टिव्हेट करून या चोरट्यांचा शोध घ्यावा.
श्री वीरेंद्र शिंदे
माजी सरपंच व विद्यमान ग्रामपंचायत सदस्य कुडाळ
